TATA IBADAH PERAYAAN NATAL YESUS KRISTUS WKI JEMAAT GETSEMANI LINA-INO

 

TATA IBADAH PERAYAAN NATAL

YESUS KRISTUS

WKI JEMAAT GETSEMANI LINA-INO

Senin, 09 Desember 2024

PERSIAPAN:

AJAKAN BERIBADAH:                                                                            (berdiri)

    P    : Ada orang yang bicara kuat-kuat pa orang-orang di padang gurun. Dia bilang, Buka jalang untuk tarima pa Tuhan, kase lurus jalang la sambut pa Dia.’ (Mat 3:3)

    J    : Langit so kase carita kemuliaan Allah, deng cakrawala  so kase tau Tuhan pe karya;

    P    : hari kase turus berita itu pa hari, deng  malam kase tau pengetahuan itu pa malam.

    J    : Puji pa TUHAN sudah kita pe jiwa! TUHAN, kita pe Allah, TUHAN pe kuasa paling basar! Dia yang pake pakeang  keagungan ,yang megah.

    P    : Mari torang samua badiri kong Manyanyi Lagu "MARI BA KUMPUL ”

Mari ba kumpul, Mari manyanyi tong puji  nama Tuhan.
Mari ba kumpul mari menyembah
Reff....Dia yang lahir di kota Betlehem
Bayi sang Mungil
Terpuji- puji Raja damai.

TAHBISAN DAN SALAM:

    P    : Ibadah perayaan Natal Yesus Kristus yang diselenggarakani oleh Bidang Wanita Kaum Ibu Jemaat Getsemani Lina-in. ditahbiskan dalam nama Allah Bapa, putra Natal deng Roh Kudus. Amin

    P    : Selamat Hari Natal.untuk torang samua. . Torang saling pegang tangan di samping kiri deng kanan, kong bilang Slamat Natal Tuhan memberkati slalu.

Manyanyi PARA GEMBALA DI PADANG RUMPUT

Para gembala di Padang rumpu
Malaikat Kase tunju
jalan kong datang sembah Deng sujud
Reff....Dia yang lahir di kota Betlehem
Bayi sang Mungil,
                                            Terpuji- puji Raja damai  ...                             (duduk)

PENGAKUAN DOSA DAN BERITA ANUGERAH ALLAH:

    P    : Marilah torang merendahkan diri pa TUHAN kong torang mengaku samua torang pe dosa  Mari berdoa:(sambil instrumen, Monolog)  Ya Tuhan Allah, torang sadar kalu torang bukan sapa-sapa di Tuhan pe muka, torang mangaku kalu torang ini orang lemah deng berdosa, Kadang-kadang torang lebe kase iko torang pe mau deng torang pe hasrat dari pada biking Tuhan pe mau. Kadang torang babinci orang lain, ba simpang dendam sampe torang tara baku kase maaf, tara hidup dame, penuh cinta deng kasih sayang  pa samua orang sesuai yang Tuhan ajar pa torang. supaya torang sayang orang lain sama deng tong sayang torang pe diri sandiri. Karena itu Tuhan, sioooko... tolong kase ampung pa torang orang berdosa ini. Amin.

Manyanyi: Lagu “SIO TUHAN”
1. Sio Tuhan, Torang orang  yang berdosa,
Kadang tong biking di dalam hati Deng dalam pikiran,
kadang tong biking Carita nama busu Deng tong Pe kalakuang.
2. Sio Tuhan tolong Kase Ampung pa Torang .
La Torang hidup mo baku Bae-Bae Deng baku sayang e....
Reff .....Sio sayang e cuma tagal Tuhan pe bae  pa Torang
Biar lahir di kandang hina, di Tampa sederhana, tapi Dia bersahaja.

    P    : Torang yang so mangaku dosa pa Tuhan Allah,dengar janji anugrah Allah dalam Yohanes 3:16.

“Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya".

Manyanyi  MARI TORANG BERSYUKUR
Mari Torang bersyukur Deng hati sungguh
Mari Torang bersyukur karena Anugerah  Yesus
Reff... Jangan Torang baku-baku binci,  jangan Torang suka baku mangiri.
Kalu dalam hati ada cinta  Torang pe , bicara  ada cinta
 Kalu dalam pikiran ada cinta , Di kalakuang ada cinta..
Tuhan Yesus Dia so lahir, Samua itu karena Cinta.
Karena itu Torang musti hidup
Baku Sayang Deng laeng.

    P    : Torang musti sadari kalu Yesus lahir di dunia karena Dia pe Cinta paling basar pa torang samua.

    P    : Kita mau jadi saksi Kristus untuk bercahaya bagi Kehidupan orang lain. Deng Rahmat Allah itu biar Kase hidup kita pe hati, deng kita pe percaya.  Haleluya

    P    : Yesus Kristus lahir untuk kase ancor tembok kebencian diantara manusia.  karena itu, torang jaga tong pe hati supaya jangan ada akar permusiuhan.  lebe bae torang hidup iko Tuhan pe parenta untuk baku sayang deng rasa cinta yang dalam tanpa sarat.

Manyanyi BINTANG DILANGIT
Bintang di langit pung Cahaya
Cahaya kemuliaan
Tinggal di dalam Hati Yang Riang
Reff...Dia yang Lahir di kota Betlehem
Bayi yang Mungil
Terpuji--puji Raja damai

PROSESI PENYALAAN LILIN:                                                         
(Penyalaan lilin Natal, lampu dipadamkan. Petugas penyalaan lilin Natal mengambil posisi didepan dan membakar lilin secara berurutan diiringi lagu O holly Night oleh Trio)

DOA PEMBACAAN FIRMAN:                                                            

    P    : Mari torang berdoa: …..Ya Tuhan Allah, Di dalam torang pe perjalanan hidup, kadang torang bimbang, kadang torang ragu dalam ambel sikap. sehingga torang hidup di dalam ketidakpastian. Karena itu, torang butuh firman Tuhan untuk kase petunjuk jalan lurus deng tarang. supaya torang bisa hidup kudus dalam berelasi  deng orang lain. tapi torang sadar torang orang lemah deng terbatas kalu torang cuma pake torang pe pikiran sendiri. Karena itu, Tuhan tolong kase hikmat deng kuasa Roh Kudus supaya torang bisa mangarti  kong biking maksud Firman Tuhan ini. Amin.

PEMBACAAN FIRMAN:                                                                     

    P    : Jemaat TUHAN mari torang baca Firman TUHAN.

9          Pembacaan Firman Tuhan

Manyanyi Lagu: SAMA PADI DENG BOTENE
1. Orang -orang yang dengar Firman Tuhan, kong salalu biking
.. Sama Deng pisang  yang ada tanam di pinggir kali.
Reff... Slalu Tumbu, slalu subur, kong sllalu babuah banya.(2×)
2. Tapi Orang yang dengar Firman Tuhan  kong Tara bekeng.
Sama Deng bibit padi Deng Botene ada buang di batu-batu.
Reff .. Tara Tumbu, Tara subur, kong Tara ba buah banya. (2×)

PS/BG/Solo.
REFLEKSI NATAL:
PS/VG/Solo

PERSEMBAHAN:                                                                                  

    P    : Mari torang kase persembahan pa Tuhan sambil torang inga Firman Tuhan dalam Matius 2: 11. (MMU) " Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Manyanyi: BAWA PERSEMBAHAN

1.    Bawa persembahan, Bawa persembahan pa Tuhan Yesus.
Bawa persembahan, bawa persembahan Deng hati tulus.

Reff.
Jangan Torang ba sungut -sungut
Kase persembahan pa Tuhan Yesus.
Lebe Bae Deng hati tulus Kase
persembahan pa Tuhan Yesus.

2.    Orang-orang pintar, orang pintar yang dari Timur.
Iko arah bintang bawa persembahan pa Tuhan Yesus.

3.    Mari torang kase apa-apa yang ada pa Torang
Sama deng kalapa yang ba buah tara bicara

4.    Bantu orang laeng, bantu orang laeng yang Tara mampo.
Itulah ibadah yang sejati Deng yang mulia.

DOA UMUM:

PENGUTUSAN DAN BERKAT:

    P    : Kase tau Kasih Kristus di dalam torang pe bicara yang lurus deng cinta yang tulus pa samua orang maka persahabatan akan mo subur deng damai sejahtera akan sama deng aer di kali yang mangalir tara akan mo kering biar dibawa panasnya terik Matahari        

    J    : Kita mau Kase siar kabar sukacita ini dalam setiap kita pe langka. Di darat, di laut, di bukit, di gunung -gunung deng dimana saja maka kemuliaan Allah akan salalu ada pa torang pe hidup.

    P    : Inga-inga salalu Tuhan pe parenta, iman yang bercahaya pa orang laeng, iman yang kase hidup orang laeng deng cara tong baku bawa Bae-Bae deng hidup baku sayang satu deng laeng itu torang pe ibadah yang sejati deng mulia.                                                                           (berdiri)

Menyanyi “TONG BAKU BAWA  TONG BAKU SAYANG ”
Tong baku bawa tong baku-baku sayangg
Torang samua ba Basudara
Tong baku bawa tong baku-baku sayangg
Torang tarima berkat kasih karunia
Reff.... Torang bawa damai sejahtera
Di dalam Torang pe hidop
Deng Torang hidup baku sayang
Tong baku bawa Bae-Bae

BERKAT  

    P    : Mari torang tarima berkat Tuhan la toang pigi deng hati yang bahagia

Kasih Karunia deng damai sejahtera, berkat perlindungan deng keslamatan dari Allah, Yesus Kristus putra Natal, jaga deng bimbing pa torang samua mulai saat ini sampe slama --Lamanya.

    J    : Amin…amin…amin..amin..amin